Jean-Marie Le Pen

Dr Jean-Marie Le Pen ( [ʒɑ̃maʁi ləpɛn](info) uff Frànzeesch, [lə̹ˈpɛn] uff Diitsch; * 20. Jüüni 1928 z’ La Trinité-sur-Mer, Département Morbihan, Bretagne àls Jean Marie Louis Le Pen) ìsch a frànzeescher rachtsextreemer Politiker. Sii politischer Schtil gìlt àls rachtspopülìstisch. Bekànnt worra-n-ìsch’r vu 1972 bis 2015 àls Grìndungsmìtglìed un Vorsìtzender vu dr Pàrtäi Front National (FN), em hìttiga Rassemblement National.^[1][2]

Dr Le Pen hàt àls Legionäär un Soldààt ìm Indochina- un Àlgeriakriag diant. D’rwillscht hàt’r ìn mehrera poujadischta Orgànisàzioona siina politischa Kàrriar ààgfànga. Ar ìsch vu 1956 bis 1962 Àbgoordneter ìn dr Nàzionààlversàmmlung fìrs Seine-Département gsìì, un hàt d’rnooh ìm Jean-Louis Tixier-Vignancour siina Kàmpània fìr d’ Presidàntschàftswàhl vu 1965 glaita. Uff Wunsch vu dr nàzionàlìschta Beweegung Ordre Nouveau hàt’r ànna 1972 àn dr Grìndung vum Front National mìtgmàcht; ìm gliicha Joohr ìsch’r Vorsìtzender vu dara Pàrtäi worra. Sii Schwarpunkt ìsch d’ Kritik àn d’ frànzeescha-n-Iiwànderungspolitik gsìì. Doo d’rmìt ìsch dr Front National ìn da Joohra 1980 a wìchtiga Pàrtäi ìn dr politischa Làndschàft vu Frànkrììch worra. Dr Le Pen ìsch ànna 1986 àls Àbgoordneter üss Pàriis gwählt worra un ìsch Vorsìtzender vu dr FN-RN-Fràkzioon ìn dr Nàzionààlversàmmlung ìn dr 8. Legislàtüürperiooda vu dr Fìmfta Repüblik gsìì. Ar ìsch vu 1984 bis 2003 un vu 2004 bis 2019 Àbgoordneter ìm Öiropäischa Pàrlàmant gsìì. Därt ìsch’r Vorsìtzender vu dr Fràkzioon vu da Öiropäischa Rachta (1984–1989) un vu dr Täcknischa Fràkzioon vu da Öiropäischa Rachta (1989–1994) gsìì. Vu 1999 bis 2001 ìsch’r Mìtglìed vu dr Täcknischa Fràkzioon vu da unàbhangiga-n-Àbgoordneta gsìì, so wia vu Janner bis ìm Nowamber 2007 vu dr Fràkzioon Idäntiteet, Tràdizioon, Souweräniteet; ìm Raschtla vu dr Zitt ìsch’r fràkzioonsloos gsìì. Züadam ìsch dr Jean-Marie Le Pen bii fìmf Presidàntschàftswààhla-n-àls Kàndidààt ufftratta. Ànna 1974 hàt’r numma-n-a grìnger Schtìmma-n-ààtail bikumma, àwwer ìsch schpeeter dräimol bis àm viarta Plàtz vu dr äärschta Runda ànakumma (ànna 1988, 1995 un 2007). Àn dr Presidàntschàftswàhl vu 2002 ìsch’r unärwàrtet mìt 17,8 Prozant vu da iigaawena Schtìmma bis àn dr zwaita Runda glunga, wu-n-’r geega dr Jacques Chirac verloora hàt. Doo drbii ìsch dr Chirac vum „Repüblikànischa Front“ unterschtìtzt worra — dàs ìsch a Ainigung vu Lìnks- un Rachtswahler, wo dr FN hànn wälla schlààga. Ànna 2011 hàt’r Jean-Marie dr Pàrtäivorsìtz ìn siinera Tochter Marine Le Pen ìwwergaa un ìsch numma-n-Ehravorsìtzender blìewa. Ìm Àuigscht 2015 ìsch’r waaga „schwaara Verfahlunga“ üss dr Pàrtäi üssgschlossa worra. Ànna 2016 siina aigena Klainpàrtäi Comités Jeanne grìnda.^[1][2]

Ìm Làuif vu siinera Kàrriar hàt dr Jean-Marie Le Pen mehrmols sehr umschtrìttena Mainunga ärüssert, wo-n-àls rassistisch un àntijìddisch galta. Ar ìsch mehrmols waaga Forderung vu Kriagsverbracha, Löignung vu Verbraacha geega d’ Mänschligkait, Uffrüaf züa Ràssahàss, Dischkriminiarung un ràssistischa Gwàlt vor àm Grìcht gsìì; ar ìsch mehrmols verurtailt, àwwer àui mehrmols fräigschproocha worra.^[1][2] Ìm Jean-Marie Le Pen hàt m’r dr Ìwwernamma Le Menhir („Dr Schtehschtai“) gaa, dänn’r heert trotz dr Kritik nia uff, siina Mainunga z’ ärüssra.^[3]

1. ↑ ^{1,0 1,1 1,2} Dia Informàzioona sìnn üss’m Àrtìkel Jean-Marie Le Pen ìn dr hoochdiitscha Wikipedia ìwwernumma worra.
2. ↑ ^{2,0 2,1 2,2} Dia Informàzioona sìnn üss’m Àrtìkel Jean-Marie Le Pen ìn dr frànzeescha Wikipedia ìwwernumma worra.
3. ↑ Jean-Marie Le Pen : le Menhir vous salue bien ! In: Le Point. 19. August 2016, archiviert vom Original am 30. April 2022; abgruefen am 18. September 2022 (französisch).